Lokal | 03. aug. 2014
Speedbåt under vatn
Denne båten søkkte i Oselvarhopen i Os hamn laurdag. No ber brannvesenet eigar ta kontakt.
Kjetil Vasby Bruarøysundag 03. aug. 2014 22:07
Søndag fekk Midtsiden tips om båt under vatn i Os hamn.
– Båten har lagt på utsida av brygga ved Vindu mot Fjorden ei stund, men nokon taua den inn her ved Oselvanaustet før helga og laurdag gjekk båten ned, fortel John Lepsøy.
Lepsøy bur i området og håper eigar får båten fjerna.
– Vi vil prøva å få kontakt med eigar så vi får båten heva og fjerna seier Gitle Smaadal frå Os brannvesen.
Brannvesenet har ansvar for både akutt forureining og for Os hamn. Det såg søndag ikkje ut til å vera noko utslepp frå påhengsmotoren, ein eldre mercurymotor utan undervannshus.