Søre Neset fekk revansje over Os 2
Snudde kampen mot raske ungdomar frå nivået over.
Bildeserie:
Os 2 tok i går imot Søre Neset til treningskamp på Kuventræ.
Tidlegare i vinter vann Os 2 2-4 borte på Bjørnen, også i går fekk ungdomane i 4. divisjon overtaket over dei rutinerte spelarane som i fjor rykte opp frå 6. divisjon til 5. divisjon.
Os 2 leia 3-1 til pause. Kampen enda 3-4.
Kristoffer Røttingen skåra to mål for Os 2, Elias Heggland Myrlid putta eitt.
Tidlegare Os-spelar Christer Olsen reduserte for Søre Neset før pause. Christian André Stenersen skåra to i andre omgang, Fredrik Solbakken blei matchvinnar.
Os 2 hadde to store sjansar på tampen, men måtte sjå seg slått. Søre Neset hadde dei største sjansane etter pause, og Kjetil Hansen, som ikkje har fornya med Bjarg etter opprykket, hadde 2-3 fine redningar i kamp for Os 2 i går.
God motstand - fin siger
– Siger over lag frå divisjonen over er vi sjølvsagt nøgd med, seier Søre Neset-trenar Lars Rune Moberg.
– Os 2 er god treningsmotstand. Vi kjem nok til å møta fleire lag som springer meir enn oss i 5. divisjon.
– Korleis er stallen til Søre Neset etter opprykket?
– Det ser veldig bra ut. Ingen har slutta, og vi har fått inn 4-5 spelarar frå Søfteland, etter at dei la ned seniorlaget sitt.
(Bildeserien under er synleg for pålogga abonnentar)