Søfteland har starta best
Alle dei tre sjettedivisjonslaga i Os har tatt poeng, men berre Søfteland har full pott etter dei to første rundane.
Osbygda har framleis tre sjettedivisjonslag, etter at Lysekloster 2 rykte opp til 5. divisjon og Søre Neset rykte ned til 6. divisjon hausten 2012.
Søre Neset starta med internoppgjer mot Nore Neset, ein kamp som enda 1-1.
I andre runde, som var i helga, vann Nore Neset 3-0 over Skogsvåg.
Tabell, 6. divisjon avdeling 3
Søre Neset spelte borte mot Krabbetor og måtte nok ein gong dela poeng etter at det sto 1-1 då dommaren blåste av.
Søfteland med siger i dei to første
I mellomtida har Søfteland, som speler i ei anna avdeling, slått to lag som nyleg har spelt i 5. divisjon; Harding 4-1 i serieopninga og Eikelandsfjorden 4-2 på bortebane.
Tabell, 6. divisjon avdeling 4
– Vi har hatt ein god vinter og lagt stabilt på rundt 15 mann på trening, seier Kenneth Svenningsen.
Svenningsen overtok Søfteland før sesongen i fjor, og landa på 3. plass med laget sitt.
– Vi mista nokre gode spelarar til Søre Neset, men har også fått inn nokre gode ungdomar frå Os.
Søfteland leia 2-0 borte mot Eikelandsosen, men den spelande trenaren til det nye laget i Fusa, Stian Håvik, skåra to tette og utlikna.
– Håvik er nesten eit heilt lag i seg sjølv, skryter Svenningsen.
Men Søfteland-forsvaret fekk etter ein stund nokolunde has på lynraske Håvik, og tok med seg alle poenga heim.
Også Kalandseid og Tertnes 2 har 6 poeng etter dei to første rundane.
Tertnes 2 er Søfteland sin neste motstandar, i to kampar på rad (!), borte førstkomande fredag og heime neste.