Sport | 15. juni 2014
Slo Molde ut av NM
Os Allianse G14 er vidare til 1/8-finale i uoffisielt NM, Adidas Cup.
Kjetil Vasby Bruarøysundag 15. juni 2014 20:52
Os-alliansen, som består av dei beste fotballspelarane frå dei fleste klubbane i kommunen, spelte i dag 1/16-finale i Adidas Cup mot Molde i Førde.
Os vann 3-2. Ludvig Egge Drange skåra alle måla til Os Allianse.
Os leia 2-0 og 3-1 før Molde reduserte.
To lag vidare frå Hordaland
I gruppespelet vann Os 4-0 over Loddefjord og 3-2 over Gneist. Men mot Åsane blei det 1-3-tap.
Første kamp i A-sluttspelet blei vunne på straffekonk etter innhenting frå 0-2 til 3-3 i møtet med Sædalen.
No er osingane vidare nok eit steg og møter vinnaren av Vard Haugesund og Grorud i 1/8-finalen.
Også Stord var vidare til A-sluttspelet, men dei er ute. Os og Åsane er no einaste frå Hordaland blant dei 16 beste G14-laga i landet.