Slo Austevoll borte
Lysekloster har vore suverene på heimebane, men slitt på bortebane. Torsdag fekk dei endeleg 3 poeng borte då Austevoll blei slått 3-2.
Lysekloster har hatt eit tett kampprogram dei siste vekene før pinse. Det heile blei avslutta med bortekamp mot Austevoll torsdag ettermiddag.
– Alle var klare før kampen på å sanke tre poeng borte.
– Difor var fokuset før kampen kynsime i båe ender av banen, rapporterar Lysekloster på heimesida si.
Lysekloster startar best og skapar nokre halvfarlege sjansar før kampen jamnar seg ut.
Det første målet kjem på ein overgang kor Eirik Musland førar ballen framover på banen. Eit skot frå 22 meter treff medspelar Martin Eidsvik og ballen skiftar retning, noko som set ut keeperen til Austevoll.
Etter 1-0 skåringa klarar ikkje Lysekloster halde på initiativet i kampen og i staden er det Austevoll som tek over og vinn andre ballane og duellane utan at dei klarar å utnytta dette.
Svak start, god avslutning
Sjølv om ein i garderoben er einige om å trø meire til, så er det ikkje det som skjer i starten av andre omgang.
– Dei 10 første minutta er om mogleg kanskje verre enn slutten av første omgangen.
– Vi gjer klar til byter, men så løsnar det.
Preben Skorpen, som debuterte frå start, er høgst oppe på ein corner og stangar ballen i mål frå kloss hold.
Avgjer fire minutt før full tid
Etter det skiftar kampen karakter. Lysekloster tek over og rullar opp det eine fine angrepet etter det andre, men det er Austevoll som utlignar først etter ei svak tilbakeheading mot Lysekloster-keeper Kjetil Hansen.
Fire minutt før full tid kjem situasjonen som gjer at fotballspelarane frå fjorden kunne gå med hovudet høgt heva i 17. mai-toget.
– På eit langt frispark inn i feltet krigar vi bra og ballen fell ned til Kim Kleivedalen. Vår toppscorar skuffar ikkje, og vi hentar vår første trepoengar på bortebane.
Austevoll - Lysekloster 2-3 (0-1)
Kjetil Hansen, Baste Jonassen, Preben Skorpen, Steffen Finsådal, Thomas Greipsland, Frode Buvik, Eirik Musland, Johannes Jordal, Martin Eidsvik, Kim Kleivedalen, Lars Henrik Skage. Innbyttarar med speletid: Mattias Høiland for Martin Eidsvik og Thomas Sandal for Johannes Jordal.
Etter sigeren ligg Lysekloster på tredjeplass med like mange poeng som Stord på 2. plass og to poeng bak serieleiar Øystese. Neste kamp er heime mot Hundvåg laurdag 25. mai.