Slengt i sjøen i båtulykke
Ei 17 år gamal jente hamna i sjøen då ein cabincruiser kjørte på 14-fotaren ho sat i.
Fredag klokka 17.50 fekk politiet melding om båtulykke mellom Solstrand og Hatvik.
– To tenåringar, ein gut og ei jente, sat i ei jolle på fjorden medan to venar var uti for å dykka, fortel politibetjent Kjartan Snorrason.
Så kom ein 28 fot stor turbåt, på veg frå Os til Hatvik, og kjørte på båten dei sat i.
Til Haukeland med kutt i leppa
– Jenta blei slengt i sjøen, guten sat igjen i båten. Dei fekk jenta om bord igjen og dei to fekk med seg dykkarane i cabincruisaren, som kjørte alle til land i Os sentrum med den skadde jolla på slep.
Jenta skal ha fått eit kutt i leppa og hadde smerter i ryggen etter ulykka. Ho blei kjørt med ambulanse til Haukeland for sjekk.
Ein av to med lanterne
Cabincruisaren hadde fleire passasjerar. Føraren er ein mann i 60-åra. Han er ikkje mistenkt for promillekjøring.
– Hadde båtane lanterneføring?
– Cabincruisaren skal ha hatt lys, men ikkje jolla, seier Snorrason.