Slåstkamp på nachspiel - hasjfunn på tre ungdomar
Ein mann i 30-åra reiste blodig til legevakt etter slåstkamp på nachspiel i Os, tre ungdomar er meldt for bruk etter funn av hasj i Øyane.
Klokka 02.45 møtte politipatruljen to ungdomar langs vegen i Øyane. Dei blei sjekka ut og det viste seg at begge var rusa på hasj. Så dukka ein tredje gut opp, også han var rusa.
– Det blei i tillegg funne hasj både i bilen og bustaden til den eine. Alle tre er oppunder 20 år og meldt for forholda, fortel Frode Kolltveit, operasjonsleiar i Vest politiditrikt.
Slåstkamp på privat fest
Klokka 6.40 laurdag morgon blei politiet oppringt etter ein episode på eit nachspiel i Os nord.
– Det skal ha vore 7-8 personar i bustaden og nokre av dei byrja å slåst. Fornærma blødde frå eit sår på leppa og tok seg sjølv til legevakta.
– Vi har fått eit par namn på mistenkte og politiet følgjer opp saka i dag, fortel Kolltveit.