Skummelt, men kjekt
Torsdagklubben si Halloween feiring på Varfjell blei ein suksess. – 75 deltakarar hadde verkeleg lagt flid i å kle seg ut, stråler Bente Borghild Hauge.
Bildeserie:
Torsdag markerte PUane i Os Halloween med ei storstilt samling i Varafjell.
– Det blei kjempevellukka.
– Mange var nok litt skeptiske for at det skulle bli vel skummelt då dei kom, men då dei gjekk var det med stjernar i augene, fortel Bente Borghild Hauge, fritidsleiar for PU i Os kommune.
Grøne sveler
For å skapa ramma rundt arrangementet var Varafjell innreiia med hekser, flammelamper og edderkoppar både frå tak og på veggane.
– I tillegg steikte vi grøne sveler, som vi pynta med edderkoppar.
Heile 75 brukarar, assistentar og pårørande var med på festen med dans og stor stemning.
– 12 av venene våre frå Tysnes tok òg turen over Bjørnafjorden og var med.
– Som avslutning hadde vi premieutdeling til dei beste kostymane. Det var ikkje berre enkelt å kåra dei åtte vinnarane, avsluttar Hauge med eit smil.