Skulevalet ved Os VGS
– Debatten var avgjerande for kva eg stemte, seier både Jacob og Iselin. Her får du resultata frå skulevalet ved Os VGS.
Bildeserie:
Os vidaregåande skule har i dag gjennomført skuleval.
Av dei 490 elevane ved skulen stemte 377, noko som gir ein frammøteprosent på 76,9%. Av dei 377 røystesedlane som blei lagt i urna, var 36 av dei blanke.
For fire år sidan var Høgre størst på Os VGS med heile 46,1%. I år har FrP tatt tilbake trona som det største partien. Nær ein av fire som har stemt stemte på Frp, som enda på 24,9%.
SV gjorde det særs skarpt på Os gymnas der dei fekk 18,9%. Også på Os VGS går dei betydeleg fram frå 2,1% i 3013 til 9,4% i år.
RESULTAT SKULEVALET OS VGS 2017:
Frp: 24,9%
Ap: 16,7%
Høgre: 15,8%
SP: 9,7%
SV: 9,4%
Piratpartiet: 7,6%
MDG: 3,5%
Liberalistene: 3,2%
Partiet De Kristne: 2,6%
Venstre: 2,1%
Rødt: 1,5%
Kystpartiet: 1,2%
KrF: 0,9%
Feministisk initiativ: 0,6%
Demokratene i Norge: 0,3%
Alliansen: 0,0%
Helsepartiet: 0,0%
Til samanlikning var dette oppslutnaden om dei fire største partia under gårsdagens skuleval ved Os Gymnas:
Høyre: 20,2%
Ap: 19,7%
SV: 18,9%
FrP: 16,7%
Her kan du sjå alle resultata frå gymnaset.
– Debatten var avgjerande
Mens Midtsiden var innom Os vgs i dag var ambulanseklassen på plass for å stemma. Først inn i båsen for å henta lista til sitt parti var Iselin Berntsen.
– Vi har hatt ein del om politikk og om valet dei siste vekene, men eg bestemte meg ikkje for kva eg skal stemma på før debatten i førre veke, seier ho.
Skulepolitikk, fråværsgrensa og helse er blant emna ho er opptatt av.
• Paneldebatten blei arrangert tysdag for ei veke sidan.
Klassekamerat Jacob Mehammer har òg venta med å bestemma seg.
– Eg visste kva eg skulle stemma i dag, men det blei ikkje avgjort før paneldebatten var over.
Elevane organiserte
Valet har pågått frå klokka 8.30 til 14.55 i dag, klasse for klasse.
Elevane frå påbygg sto for registrering i manntalet, rett innanfor inngangsdøra til kantina.
– Vi rullerer, to og to, på vakt ein halvtime kvar. Det er berre kjekt å sitja her og registrera dei som kjem, synest Linnéa Lindløkken og Cecilie Martinsen Kvam.
– Bygg-klassen har snekra stemmebåsane, sant dei er fine! legg dei til.
Resultata frå 2013
Før førre stortingsval vaks Høyre seg forbi Frp, som ved fleire tidlegare val var suverent størst.
Høyre vaks frå 13,0 i 2009 til 46,1 % i 2013.
Frp gjekk tilbake frå 51,4 til 28,3 %, Ap gjekk tilbake frå 11,8 til 8,9 %.
Resultat, skulevalet ved Os vgs 2013:
Høyre: 46.1 % (155 stemmer)
Fremskrittspartiet 28.3 % (95 stemmer)
Arbeiderpartiet: 8.9 % (30 stemmer)
Piratpartiet: 5.4 % (18 stemmer)
Senterpartiet: 2.7 % (9 stemmer)
Sosialistisk Venstreparti: 2.1 % (7 stemmer)
Kristelig Folkeparti: 2.1 % (7 stemmer)
Venstre: 0.9 % (3 stemmer)
Miljøpartiet de Grønne: 1.2 % (4 stemmer)
Kystpartiet: 0.9 % (3 stemmer)
De Kristne : 0.6 % (2 stemmer)
Folkemakten: 0.3 % (1 stemme)
Pensjonistpartiet: 0.3% (1 stemme)
Rødt: 0.3 % (1 stemme)
Norges Kommunistiske Parti: 0.0 %
Demokratene i Norge: 0.0 %