Skryt for å høyra etter
Det er ikkje alle som rettar seg etter ordre frå politiet. To ungdomar som lagde bråk på Irish Cat får skryt for å ta til vettet då politiet kom.
Torsdag kveld fekk politiet melding om to ungdomar i 18-19 årsalderen som lagde bråk inne på Irish Cat.
– Då vi kom bort der var dei kome utanfor.
– Vi gav dei to beskjed om at dei ikkje fekk lov til å opphalda seg i Os sentrum resten av natta, noko dei etterkom.
– Det er ikkje bra at dei lagar bråk på ein utestad, kor ein er for å ha det trivleg og kosa seg, men det er positivt at dei skjønner når dei blir snakka til og følgjer dei pålegga dei får frå patrulja, seier politioverbetjent Terje Sperrevik.
Sidan dei to etter kvart oppførte seg så fint og gjekk frå sentrum slepp dei meir kontakt med politiet. I denne omgang.
Rusa på Amfi
Tidlegare på ettermiddagen fekk politiet melding om to personar på Amfi.
– Den eine var tydeleg rusa.
– Dei blei ransaka, men vi fann ikkje noko ulovleg på dei og dei blei sett i marsj.