Skrekkeleg gøy halloween-helg i Os
«Velkledd» og festklar: Sjå bildeserie frå Catten og ungdomsfest i Hegglandsdalen.
Bildeserie:
I kveld kan du få utkledde ungar på døra, som spør om du vel knask eller knep.
I helga festa ungdomane frå seg, også dei i kostyme, truleg òg med både knask og knep.
– Halloween-festane vår plar vera populære og vi hadde ganske bra oppmøte også i år, seier Bjarte Andersen hos Catten Nightclub.
– Mange hadde kledd seg ut og stilte med veldig gjennomførte kostymer.
– Stemninga var veldig god og vi hadde null bråk.
Russ samla over 200 ungdomar i Hegglandsdalen
I ungdomshuset i Hegglandsdalen var det samla over 200 ungdomar til halloween-fest.
– Vi har 238 inviterte, frå 16 år og oppover. Det er ein lukka fest med gjesteliste, fortel Miriam Askvik frå russebilen «To Be Continued 2017».
98-årgangen er russ neste år og festen er ei av inntektskjeldene til jentene på bilen.
– Det har vore stor pågang frå folk som vil på festen, også frå bergensområdet. Det var dessverre ikkje plass til alle.
«Snille» vinnarar
– Det er ikkje alltid lett å laga fest, men vi har både dekorert ungdomshuset og passa på at vi har 20 vaksne vaktar, at dette skal bli ein gøy og trygg fest for alle, sa Miriam før festen starta.
Politiet var utanfor festlokalet etter slutt, men hadde ingen notatar frå ungdomsfesten søndag morgon.
– Alle hadde vore flinke og kledd seg ut og vi har fått veldig fine tilbakemeldingar. Det blei òg kåra beste kostyme.
Vinnarane var ikkje dei som spreidde mest uhygge denne kvelden:
Vinnar av beste kostyme: Thomas Sørensen som tysk bubilturist.
Beste par-kostyme: Richard Kleppe, Peter Lund og Emir Sivac som Teletubbies
Sjå òg, bildeserie frå 2015: Blodige smurfar vann halloween-pris i Øyane