Skreiv ut 10 forelegg i Lysefjorden
Ein av dei var 1 km/t frå førarkortbeslag.
Politiet sto torsdag i krysset mellom Lyseklostervegen og Sperrevikvegen og hadde fartskontroll.
– Vi målte farten på trafikantane som køyrde i 50-sona på Lyseklostervegen, fortel politibetjent Sindre Lekven Hallem.
Frå klokka 08 til 11.30 blei det skrive ut 10 forenkla forelegg.
Høgaste fart blei målt til 75 km/t. Vedkomande var med andre ord 1 km/t frå førarkortbeslag, men fekk tre prikkar på førarkortet og eit forelegg på 9.050 kroner.
Politiet i Os og Fana gjekk tidlegare i år ut og sa at dei får mange meldingar om høg fart og uforsiktig køyring i området frå Lysefjorden til og med Fanafjellet.
Derfor vil dei prioritera å ha fleire kontrollar her.
Ei natt i september blei ein bil med kvinande dekk filma av ein som bur i området.
– Dette har vore omtrent kvardagskost i 20 år, men noko aukande i det siste, sa innringar.
Seinare torsdag, i 23-tida på kvelden, stoppa politiet ein bil med seinkesett.
Førar, ei jente i tenåra, fekk pålegg om å visa bilen i forskriftsmessig stand for Statens vegvesen innan tre veker.
– Alternativt kan ho få seinkesettet godkjent. Alle seinkesett må godkjennast av vegvesenet og førast i vognkortet. Er det ikkje ført i vognkortet så er det heller ikkje godkjent, opplyser Hallem.
– Normalt blir du meldt for slike forhold, men patruljen kan også velja å gi pålegg.
Normalt kan dette anmeldes, men vi kan også skrive pålegg om utbedring eller å få det godkjent.
