Vêret i Os blei betre enn venta denne helga - med nesten samanhengande opphaldsvêr laurdag og søndag.
Søndag kom skodda sigande i 12-tida, men då den letta i 14-tida blei det eit fint lys i Os hamn og Os sentrum, der det i helga var marknadsdagar og fleire aktivitetar utandørs.
Melder minst éin fin dag
Måndag etter lunsj er det venta nedbør i Os, ifølgje både Yr og Storm (sjå pent.no).
Det er venta nedbør både på ettermiddagen og tysdag formiddag, men s skal det letta.
Tysdag ettermiddag og heile onsdag skal det bli lettskya og 4-5 gradar, med ned til 1 varmegrad og fare for glatte vegar natt til onsdag.
Torsdag og fredag skal det bli noko varmare, 7-8 gradar, og nokre regnbyger.
Laurdag er det meldt regn heile dagen, søndag skal det bli opphaldsvêr, ifølgje langtidsvarselet.
Snø i fjellet igjen
Både Eikedalen og Voss har hatt snø, men ikkje fått sving på skisesongen.
Myrkdalen har framleis snø, men kunne ikkje halda heisane opne i helga.
No er det meldt snø og -1 til 0 gradar måndag og 0-2 gradar tysdag. Onsdag er det venta opphaldsvêr, men minusgradar, så då kan det produserast meir snø i skianlegget.