Lokal | 18. nov. 2013
– Skaut på buss i fart
Fire ruter blei knust på ein buss som kjørte på Byvegen søndag kveld. Politiet mistenker at nokon har skote på bussen.
Kjetil Vasby Bruarøymåndag 18. nov. 2013 11:10
Søndag i 22.45-tida meldte ein Skyss-sjåfør om knuste ruter.
– Det ytterste glaset i fire av rutene på bussen er knust.
– Sånn hola i vindauga seg ut mistenker vi at nokon har skote på bussen, med softgun eller luftvåpen, fortel politioverbetjent Audun Hadler-Olsen.
Bussen kjørte på Byvegen og var mellom dei to Rema 1000-butikkane då sjåføren høyrde smella i vindauga.
– Vi ser svært alvorleg på denne episoden og etterforskar saka vidare. Vi er også interessert i tips om nokon veit meir om saka eller såg kven som var på dette vegstrekket rundt 22.45 søndag kveld.