Skåringar og sluttspel i Sogndal
14 lag frå Osbygda deltar i Lerum Cup i helga. I dag speler to av dei semifinale.
Bildeserie:
Lerum Cup i Sogndal har oppunder 400 deltakande lag, 11 av dei er frå Os Fotball, 2 er frå Søfteland og eitt frå Lysekloster.
Fleire av laga stiller i yngre klassar, der det er to kampar fredag, to laurdag og ein siste søndag formiddag før avreise etter tre netter i saftbygda.
Søfteland har det yngste laget av klubbane frå Os kommune, og stiller med gutar 10, som har 3-2 over Florø som beste resultat. Dei har òg eit gutar 14-lag som kom på 3. plass i si pulje, noko som var godt nok til A-sluttspel.
Søfteland G14 vann første kamp etter 4-4- etter full tid, i kvartfinalen blei det 2-5 tap for Stryn.
Lysekloster har eitt lag med, også det i gutar 14, som vann éin kamp i innleiande rundar, hamna i A-sluttspel, slo Eldar 2-1 i kvartfinalen og i dag møter Ådal i semifinale.
4 jentelag og 7 gutelag
Os Fotball stiller med 11 lag, 4 av dei er i gutar 11-klassen, 4 stiller i jenteklassane.
I gutar 13 kom både Os 1 og Os 2 på 2. plass i si gruppe. Os 1 hamna i B-sluttspelet, der dei vann 4-0, men tapte kvartfinalen 2-6. Os 2 hamna i A-sluttspel der dei tapte 1/8-finalen 0-7.
I tillegg til J11 og J12 stiller Os med J13 7-ar og J14 9-ar.
J14 består av spelarar frå Os og Nore Neset, og mens J13 frå Nore Neset no er i Sør Cup (der dei vann 2-0 i første kamp), har J14 gjort det skarpt i Sogndal.
Begge kom til A-sluttspel. 7-arlaget tapte kvartfinalen for Kaupanger, 9-arlaget slo Sogndal 4-3 og møter NBK i semifinale i dag.
– Dei har berre lagt under éin gong. Dei gjorde det også bra i serien, der begge laga vann avdelinga si i vårsesongen og 9-arlaget rykker opp til 1. divisjon, fortel trenar Arve Sennesvik, spent før dagens finalerundar.