Skåra i debuten

Os avslutta haustsesongen med borteoppgjer mot Årstad 2. Ein kamp dei burde ha vunne, men Årstad ville det annerleis.

- Vi startar kampen bra og speler god handball, men går litt tomme, oppsummerar Ostrenar Torbjørn Bøthun.

Os tok raskt leiinga og var oppe i 5-1 før Årstad fekk sukk for seg. Men dei Årstaddamene vist at dei ikkje hadde tenkt å gje seg og åt seg innpå utover i omgangen. Til pause var dei forbi og leia 13-11.

God figur i debuten

Kampen var debuten for 16-årige Vilde Fyllingen. I helga var ho med å ta seks poeng i den nasjonale Bringserien, tysdag fekk ho prøve seg med dei beste damene.

- Vilde gjer eit flott innhopp og får seg eit mål.

- Ho kjem absolutt frå debuten på A-laget med æra i behald, meiner Bøthun.

Fyllingen har tidlegare i haust spelt med 2. laget til Os i 4. divisjon.

Dårleg trent?

Andre omgangen startar som den første med Os i føringa. Leiinga til Årstad blir raskt utligna og Os ligg føre med både fire og fem mål.

- Dessverre gjer vi altfor mange tekniske feil og kastar bort ballen, noko som gjer at Årstad får redusera.

- Det verkar som vi ikkje klarar å halde pesen oppe gjennom heile omgangen. Om det er at vi er dårleg trent eller om det er sjukdom som gjer det er eg ikkje sikker på.

- Uansett skal vi nytte julepausa godt til mykje løping og god trening, avsluttar Torbjørn Bøthun.

Årstad2-Os 26-26 (13-11)
Utvisningar: Årstad 2x2 min, Os 3x2 min
Os sitt lag: Eva Kristiansen, Susann Rosvold, Irene Tangerås 3, Elise Hjelle 8, Hilde Kristine Røttingen 1, Line Borsholm 7, Caroline Cook, Tonje Hjertnes 5, Trine Balland 1, Vilde Fyllingen 1.