Skapte seg på senteret
Politiet: Mann var utagerande mot kunder på Amfi. Tiggar på Bogstrand og merkeleg oppførsel i Hegglandsdalen. Råkøyring på Byvegen.
Medan politiet måndag formiddag var oppteken med etterforsking av innbrotet på ungdomsskulen, har resten av dagen vore rolegare.
– I 18-tida fekk vi melding frå vektaren ved Amfi Os om ein mann som var utagerande mot andre kunder på senteret.
– Mannen, som er ein kjenning av politiet, forlot etterkvart staden i taxi, fortel politiførstebetjent Audun Hadler-Olsen.
Tiggar, og merkeleg oppførsel
Omlag ein halvtime seinare kom melding om at ein kar i 50-60 åra gjekk på dørene i Bogstrandvegen.
– Han viste fram ein lapp som sa han var stum. Dette er ei type meldingar vi får frå tid til anna. Vi fekk òg ei god skildring av mannen.
– I 21-tida kom det ny melding, denne gongen frå Hegglandsdalen kor ein kar i 20-30 åra oppførte seg merkelig.
– Han berre sto og hang. Då folk kontakta han, trakk han seg berre unna, forklarar Hadler-Olsen.
Råkøyring
Litt før midnatt fekk patrulja frå lensmannskontoret melding om råkøyring på Byvegen.
– Meldinga kom frå strekninga mellom Søfteland og Os.
– Vi traff ikkje på vedkommande, avsluttar politiførstebetjenten.