Skammetrygda frå dei raudgrøne
Lesarinnlegg: Det er eit hån mot familiar som har born at barnetrygda ikkje aukar i takt med prisar og lønninger.
Framstegspartiet har hatt forslag nesten kvart år på ein auke i barnetrygda på lik line som prisar, lønningar og andre trygder. Utan at dei styrande har støtta oss i dette.
Det er eit hån mot familiar som har born, og som har stor nytte av barnetrygda for at den økonomiske kvardagen skal gå i hop. Rett og slett skammeleg.
Den siste justeringa av barnetrygda vart gjort, var i 1996. Sidan dess har prisane auka med 38 %.
Gjennomsnittsauka i lønningar har i same periode auka med 4,4 og 6,6 % kvart år.
Med ei uforandra barnetrygd får norske barnefamiliar dermed veldig mykje mindre å rutta med.
Frp meiner at barnetrygda må regulerast på same måte som andre trygder.
Hadde våre forslag sidan 1997 vore vedtatt, hadde barnetrygda i dag vore på 1330 kr. Ut i frå ei indeksregulering på 2 %.
Og eg ser ikkje bort ifrå at trygda hadde vore enda høgare hadde me hatt ei hand på rattet i ei regjering. For vår politiske vilje hadde heilt klårt vore til stades for eit løft for barnetrygda noko vi og vil prioritera om vi kjem i posisjon.
Det er samstundes litt interessant at under Bondevik 2 i 2004, då satsen blei redusert med to kroner frå 972 til 970, så har ein til og med ikkje klart å plussa på to usle kroner igjen.
Difor trenger ein eit sterkt Frp som vil arbeida for å la barnetrygda ha same utvikling som andre trygder.
Laila Marie Reiertsen
Stortingsrepresentant Frp