Skal ha avtalt slåstkamp

Fredag i 14-tida fekk politiet melding om at det var planlagd ein slåstkamp på ein skule i Os.

– Vi rykte ut med fleire bilar, og klarte nok å avverga dette, seier vakthavande ved Bjørnafjorden politistasjon.

Politiet er kjent med involverte namn, og jobbar vidare med forebyggande arbeid i saka.

Ville ikkje vedta forelegg

I 13-tida fredag, nær Os sentrum, kom patruljen over ein bilist som brukte handhalden mobiltelefon.

Storleiken på forelegget har nyleg auka frå 5.000 til 7.450 kroner.

Bilførar, ein mann i 40-åra, vedtok ikkje forelegget, dermed er det oppretta sak.

Brei last

I 17-tida fekk politiet melding om ein lastebil som hadde noko som stakk ut på sida, som kunne vera til fare for møtande trafikk.

Lastebilen blei kontrollert og saka løyst ved at ei sveiv blei stroppa fast.

Laurdag morgon hadde politiet ein promillekontroll på Ulvenvegen/Lyseklostervegen. Alle 48 kontrollerte var edru.