Skal dele ut 65 komfyrvakter

I 2017 rykka brannvesenet i Hordaland ut til 162 komfyrbrannar i Hordaland. Ei auke på 30 frå i fjor.

– Ein komfyrvakt kan redde heimen din frå å gå opp i røyk, seier Martin Ø. Svendsen, branningeniør i Os brann og redning.

Deler ut komfyrvakter

Os brann og redning fekk i år tilskot frå Gjensidigestiftelsen via «Det store brannløftet».

– Tilskotet skal nyttast i eit prosjekt retta mot eldre heimebuande. Vi har kalla prosjektet «Ein trygg alderdom». Som ein del av prosjektet skal det kjøpast inn sekstifem komfyrvakter som skal monterast hos dei som treng det mest, fortel Svendsen.

Slik fungerer komfyrvakta

Komfyrvakta består av ein sensor og ein straumbrytar og er enkel å installera. Sensoren overvakar kokeplatene, om den oppdagar fare for brann utløyser den ein alarm. Om ingen reagerer på denne gjev sensoren melding til ein brytar om å kutte straumen til komfyren.

– Hald oppsikt under matlaging, skru av eller demp varmen om du blir avbrote i matlagninga, reingjer ventilatoren jamnleg og pass på at det ikkje ligg brennbare ting for nære koketoppen.

– Ingen tek skade av å vente litt på at du skrur av omnen, men mange kan ta skade om du gløymer det, påpeiker Svendsen.

Må installeres i nye hus

Byggjer du hus i dag, er det krav til komfyrvakt og at det leggast opp eigen kurs til komfyren. Dei same reglane gjeld for fritidsbustader.

– Dei fleste sit nok på ei historie om då det heldt på å gå skikkeleg gale på kjøkkenet. Anten om då det ringte på døra, eller då babyen byrja skrike på soverommet. Litt uoppmerksemd er alt som skal til for at ein brann skal blussa opp og kome ut av kontroll, seier Svendsen.

Komfyrvakter får du kjøpt hos dei fleste elektronikkbutikkar, i ei rekkje kjøkkenbutikkar og i nettbutikkar.

Komfyrvaktkampanjen

I dag blir det arrangert ein nasjonal komfyrvaktkampanje for å auke merksemda rundt dei alt for mange komfyrbrannane.

– Vi i Os brann og redning vil saman med det lokale eltilsynet ha stand på Amfi Os på laurdag 17. februar frå klokka 13 til 16. Her vil vi informera om brannvern generelt og komfyrvakt spesielt. Vi vil også he ei enkel spørrekonkurranse kor premien går til ein som har behov for komfyrvakt, avsluttar Svendsen.