– Skal bli klar til Osdagane
No er den humpete sykkelbanen levert - kun monteringa står att.
Bildeserie:
I møte i arbeidsutvalet Liv på Øyro 2 i mars var prosjektsjef i Os kommune, Halvor Hanevik, på plass for å presentera idear som kan skapa aktivitet, særleg for ungdom, i Os sentrum.
Hanevik fekk grønt lys til å jobba vidare med prosjektet, der pumptrack er det store nye. Til leverandør fall valet på Unisport, som leverer den originale modulbaserte pumptracken frå Parkitect, som er verdsleiande og prisbelønna.
Like etter 17.mai hadde Hanevik besøk av Oddbjørn Krohn Dalen frå Unisport.
– Du kan nesten ikkje finna ein meir nydeleg område for ein pumptrackbane, heilt ved sjøen og samtidig midt i sentrum. Her ser eg for meg at vi kan bygga ein på 60 til 100 meter, alt etter korleis vi nyttar tomta, kunne Dalen då fortelja.
Klar til Osdagane
No er parkeringsplassen rydda og bommar er på plass for å redusera risiko for at folk kjem inn eller ut av området i høg fart. Boccia-banen har allereie stått klar ei stund, og i ein kjapp kommentar til Midtsiden i kveld fortel Hanevik at målet er å få montert pumptrack-banen klar til Osdagane.
Osdagane opnar torsdag denne veka og strekk seg til laurdag.