Sju lag til A-sluttspel

Handballsesongen i Bergensområdet avsluttast tradisjonen tru med Vårspretten i Bjørnarhallen og Haukelandshallen dei siste vekene i april og dei første vekene i mai.

For spelarane fødd i 2001 (12 år) er det første gong dei kan gå til sluttspel og vinna noko, difor er det ofte mange lag påmeldt i desse klassene.

I gutteklassa stiller Os Turn med eitt lag. Gutane var suverene i dei innleiande kampane og slo Bønes 1, Gneist 2 og Årstad 2 med heile 23 mål til saman.

Like suverene var Nore Neset sine jenter i 12-årsklassa som køyrde over Tertnes 1, Åsane 2 og Gneist 2 og blei puljevinnarar med 32 plussmål i protokollen.

Også Os sine to lag i jenteklassa tok seg vidare til A-sluttspelet etter å ha kome på andre plass i puljene sine. Os 1 med uavgjort mot Kringlebotn 2, siger over Åsane og tap for Bjarg 2. Os 2 med fire poeng etter siger over Tertnes 2 og Fana 2 og tap for Gneist 1.

Fylkesmeistrar i flyten

I 13-årsklassa er Os Turn 2 regjerande fylkesmeistrar og er dermed ei attraktiv skalp å skulle ta.

I dei innleia kampene såg ikkje Osjentene seg tilbake og slo Lyngbå, Bønes 2 og Nordnes med tilsaman 36 mål.

Også Nore Neset sitt lag i 13-årsklassa tok seg vidare med ein andre plass i gruppespelet. Dei spelte kun to kampar innleiingsvis med siger over Fana 2 og tap for Årstad 1.

Fem klubbar i G16

I gutter 16 er det berre fem klubbar som har valt å prioritera den tradisjonsrike cupen. Åsane, Gneist og Bjørnar stiller to lag kvar, medan Årstad og Os stiller eitt kvar.

Osgutene spelte sine innleiande kampar måndag og tok seg vidare til semifinalen etter siger over Åsane98 og Bjørnar 1 og tap for Gneist 2.

Slutspelet startar 7. mai og går fram til 14. mai.