Sjøsette «møbel»
- «No har du kjøpt deg arbeid», er det fleire som seier. Dei tar heilt feil, forsikrar båteigaren.
Bildeserie:
Fredag kom Midtsiden.no over noko ganske uvanleg på brygga i Hamnevegen. Det finst truleg berre eitt eksemplar av dei handlaga italienske båtane Autore i Noreg, utanom den som no har hamna i Os.
- Fabrikken låg i mange år ved innsjøem Como i Italia, men blei flytta til Dubai. Agenten eg handla oss sendte båten med trailer til Cannes og vidare til Noreg med lasteskip, fortel Tore Lunde.
Han var på jakt etter noko Riva-liknande og falt pladask for den italienske skjønnheten han ved slump fann på internett.
Vedlikehaldsfri mahogni
Afrikansk sertifisert mahogni blir frakta i heile, 12 meter lange massive trebord til fabrikken. Båtane, skroget og alt interiør, blir produsert utelukkande av heile lengder mahogni-bord.
- «No har du kjøpt deg arbeid», er det fleire som seier, men dei tar heilt feil. Båten er behandla med tre lag primer, fjorten lag epoxy og åtte lag topcoat - den kjem til å krevja mindre vedlikehald enn ein plastbåt, seier Lunde.
Med vassjet tilbake til barndomen
Den nøgde båteigaren bur i Hamnevegen, i Vindu mot Fjorden-komplekset, og har ei stund hatt seglbåten liggande rett utanfor stovevindauget.
- Eg sakna noko mindre til småturar i skjergarden. Då eg var ungdom hadde eg ein with som eg suste rundt til Kalneset og Ervikane med, det sakna eg då eg berre hadde seglbåten.
Autore blir ofte brukt som lettbåt til større yachtar i Middelhavet, og blir derfor levert med vassjet. Når den skal stå bak på badeplattforma på store skuter er det praktisk at den ikkje har aggregat som stikk ned.
- Også denne har vassjet, noko som passa meg perfekt. Den stikk nok ikkje særleg djupare enn with-en eg hadde tidlegare, så no kjem eg meg fram overalt.
Motoren er på 175 hk, noko Lunde reknar med vil gje den 5 meter lange båten ein toppfart på rundt 35 knop.