Sjøen skal stiga i over ein time til!
Over stokk og stein: Sånn ser Os hamn ut, 1 time og 11 minutt før full flo i dag.
Bildeserie:
Tysdag kom varselet om ekstremt høg vasstand torsdag 12. januar.
Prognosane fortel at vi vil få ein vasstand 199 cm over sjøkartnull og 67 cm over berekna tidevatn. I tabellen over vasstandnivå blir 199 cm omtalt som høgvatn med 100 års gjentakelsesintervall.
Ifølgje Kartverket er det flo klokka 10.21.
Bilda over er tatt frå klokka 9.00 til 9.10 i dag. Nedre del av Oselvo har allereie kome over kaien i Brugata og vil nok renna eit stykke inn mot sentrum, kanskje til trappa i Handlegården (opp mot Capri Restaurant).
Har du tips eller bilde? Kontakt oss på vakttelefon 9797 5200 eller tips@midtsiden.no!
Også den hesteskoforma gjestebrygga utanfor Oselvarverkstaden står også under vatn ein dryg time før sjøen er på topp.
Det bles rundt 10 m/s i Os i dag, men frå vest, så det er stille i Os hamn mens fjorden er på topp.