– Sjå gjerne over til naboen sitt naust òg

Politiet i Os har lite nytt å melda frå det siste døgnet, men gkjem med ei lita oppmoding og åtvaring.

– Det har vore nokre tjuveri frå naust og båt i områda rundt oss, seinast i går, i Austevoll, seier politioverbetjent Atle Birkeland.

Han oppmodar folk å sjå til nausta og båtane sine.

– Sjå gjerne over til naboen òg.

I tillegg kan det vera lurt å låsa inn utstyr som ikkje er i bruk, som bensintankar til små påhengsmotorar, fiskeutstyr og redningsvestar.