Siste strandsone-flekken tar form
To år etter at Os kommune og Os Sjøfront kjøpte tomta ved Oseana har det dukka opp eit nytt, flott friområde.
Bildeserie:
Bjørn Moberg, som var ein av grunneigarane som selte til Os kommune og Os Sjøfront i 2009, selte i 2012 ei siste tomt til dei to utbyggarane.
Les òg: Kommunen kjøper trekanten til Bjørn
Det blei tidlega bestemt at dette skulle haldast av til friområde, og i vinter byrja arbeidet med utforminga.
No, etter nokre veker med graving og muring på den cirka eit halvt mål store tomta, byrjar også denne delen av strandsonen mellom Os sentrum og Mobergsvika å sjå bra ut.
Fine natursteinsmurar med to store bed og to trapper, éi opp til parkeringsplassen og éi ned til svaberget, er på plass.
Eit lite lass med sand er også tømt ut på det som kanskje er Os' minste strand.
Rett utanfor ligg gjestebrygga, den inste flytebrygga i marinaen, som blei lagt ut i fjor.