Sesongopning på Vedholmen
Ingebjørn Astrup held opningstale og Gabriel Fliflet står for musikalsk innslag når Vedholmen Galleri i morgon opnar utstilling av Feng Xian Lin.
Laurdag 2. februar er det sesonopning hos Vedholmen Galleri.
Sesongen opnar med utstillinga Stillhet og Vitalitet av kunstnar Feng Xian Lin.
– Feng Xian Lin og mannen hennar, Jan Erik Willgohs, opnar utstilling i Hainan Museum i den kinesiske byen Haikoui februar. Men først kjem Feng til oss, seier Vibeke Harild.
– Vi set stor pris på at vi får lov å stilla ut dei nyaste maleria til denne kunstnere og vi kunne ikkje tenka oss ein betre sesongstart enn utstillinga Stillhet og Vitalitet.
Mennesket og naturen
– Motiva for bilda mine er henta frå naturen. Det er vekster og levande syklus, blomar og frukt under ulike forhold.
– Naturens frodige prosessar og fargerike mangfald gjenspeiler også det menneskelige livet, også mitt liv, seier Feng.
Ho har bakgrunnen sin i tradisjonell kinesisk maleri og kalligrafi, men dei siste fem åra har ho jobba mest med oljemaleri.
På utstillinga på Vedholmen Galleri viser ho både akryl- og oljemaleri.