Semitrailer står fast ved UnoX

Torsdag i 11.25-tida står ein semitrailer i ro i rundkøyringa mellom Byvegen og Industrivegen.

For forbipasserande er det ikkje lett å seia noko om årsak.

Små bilar kjem seg forbi, men det er fare for kø i området om ikkje semitraileren kjem seg i drift igjen.

– Eg veit ikkje kva som er årsaka til at den står der, men vi har ein patrulje på veg, seier politioverbetjent Anne Lyssand.

Ifølgje Google Maps si trafikkovervaking er det i skrivande stund noko saktegåande og stilleståande trafikk frå Hetleflåten inn mot rundkøyringa.

Oppdatert kl 12.16: Klokka 12.07 melder Vegtrafikksentralen om trafikale utfordringar på staden, klokka 12.16 er det ifølgje Google Maps framleis kø retning frå Bergen inn mot rundkøyringa. Køen står til Hetleflåten.

Kl 12.20: Tungbilbergar har no fått semitraileren opp i Ulvenvegen, der den står i ei lomme og ikkje lenger stenger for trafikken.