Seks forelegg og eitt førarkortbeslag

Politiet hadde søndag fartskontroll på Lepsøyvegen, ved Os Lakk og Karosseri.

Frå klokka 13.20 til 15 blei det sju reaksjonar i 50-sona.

Høgaste fart blei målt til 77 km/t, noko som kvalifiserte til førarkortbeslag.

Om vedkomande hadde køyrd to kilometer i timen saktare så ville det «berre» blitt 9.300 kroner i forelegg og tre prikkar på førarkortet.

Også laurdag hadde politiet trafikkontroll, men då var det promillekontroll i Hamnevegen.

– Det var lite trafikk og berre tre kontrollerte. Det førte ikkje til nokon reaksjon, opplyser politioverbetjent Christine Grindstein.