Lokal | 10. jan. 2015
Seglbåt på botn i Askvik
I marinaen på Askvik klarte brannvesenet å redusera skadene på fleire båtar, men éin ligg med både skrog og mast langt under havskorpa.
Kjetil Vasby Bruarøylaurdag 10. jan. 2015 23:39
Bildeserie:
1 av 4
Os brannvesen har hatt hovudfokus på å halda vegane opne i dag, men på kvelden måtte dei ut i Askvik for å hjelpa til i marinaen ved bustadkomplekset.
– Ein seglbåt sokk, fleire båtar låg og dunka i kvarandre og ein båt med ein større motor låg og banka påhengsen inn i kaien, fortel varabrannsjef Arne Monsen.
Fleire er skadd – og vil bli yttarlegare øydelagt
I tillegg er det store skader på bryggene og framleis fleire båtar som ligg og dunkar i kvarandre eller i flytebryggene.
– Vi fekk taua to seglbåtar inn til kaien. Dei låg i bryggebåsar der utriggarane var fullstendig øydelagte.
Også motorbåten blei berga og sikra, men hadde fått skader på propellen.