Saunaforankring i tett snø
Fredag kveld opna Os Sauna for booking.
Onsdag kom Os Sauna til Os hamn, i dag blei den forankra i brygga innanfor moloen på Steinneset.
– Vi har ikkje villa opna for booking før vi visste at alt var klart, men no har skrudd på brytaren på ossauna.no, seier dagleg leiar i Os Turn, Marita Haugland.
Jon Oskar Døsen, Gard Mathias Helland og Michael Koopmann og var på vakt for Samba Marin.
– Vi fjernar inste fortøyingsbom, så det blir litt rom rundt saunaen. Så er det ut med lodda som skal halda den på plass, seier Jon Oskar.
Saunaen ligg inst mot moloen, godt skjerma på den noko vêrutsette plassen.
– No er vi spente på respons og bruk! seier Marita.
Snikpremieren var allereie onsdag etter ankomst (sjå video og bildeserie under), men booking og bruk startar først vesle julaftan.
Offisiell opning blir fredag 5. januar.
