Satsar på pleiesalong i Irisgården
Beauty and the City i Bergen deltar i opning av klinikk i Os.
Bildeserie:
Irisgården har fått ny leigetakar til 120 kvadratmeter i 3. etasje.
Som nabo til Irislegene kjem Beauty and the city Blue Lux.
– Eg driv frå før Beauty and the City i Bergen. Då ei venninne av meg ville at vi skulle jobba saman, vurderte vi å opna ein klinikk til i Bergen, men vi har mange kundar frå Os frå før, så vi tenkte marknaden kanskje er betre her, fortel Marietta Kiss.
Ho blir ein av dei tilsette ved klinikken, mens venninna Zsofia Szekely blir eigar.
Etablerte metodar og nytt utstyr
Marietta er utdanna innan hudpleie og medisinsk hudpleie. Ho utfører også voksing, figurforming og permanent makeup.
– Zsofia driv med negledesign, figurforming og trening.
Innan trening har Beauty and the City òg med seg personleg trenar Viktor Papp.
– Ved sidan av å innreia lokalet vil ankomst for ulike nye maskiner og apparat avgjera kor tid vi er klare til å opna.
– Vi har bestilt utstyr og maskiner innan speed-fit, Protulse (kavitasjon, radiofrequency), lipo-laser og ei massasjemaskin bygd for lymfedrenasje, fortel Marietta.
Dei overtar lokalet 1. februar og reknar med å opna seinast den tredje veka i same månad.