Sankthansfeiringa i bilde

Bildeserie:

Full skjerm

1 av 31

Vêrmeldingane var usikre, og vêret blei vekslande, men folk stilte sterkt for å få med seg felles feiring av midtsommarkvelden saman i Mobergsvikjo.

– Det var ein imponerande oppslutnad, synest Berit Steen frå Oseana.

På førehand hadde arbeidslaget i prosjektgruppa «Livskvalitet» bygd eit stort og solid bål, og orkesteret «I siste liten med Bente B. og de» hadde i nest siste liten meldt seg for å spela.

– Vi er veldig takksame for musikken vi fekk, og for Bjørn Moberg sitt sportye og spontane trekkspelbidrag.

Nytt av året var stylter Oseana har bestilt frå Os Asvo.

– Dei blei bestilte på onsdag og blei produserte på to tomar. Styltene var i bruk heile kvelden!

– Det som er gamalt for nokre av oss er nytt for andre, legg Berit til.

Mange blei verande i Vikjo til bålet var brent ned og hyggelege tilbakemeldingar florerte då folk etter eit par-tre timar fann vegen hjem.