Samlaren sitt paradis
Bileter: Ulvenmarkedet med over 100 utstillarar laurdag. Ein draum av ein plass for samlarar.
Bildeserie:
Som Gustav Bahus lova fredag kom sola over Ulvenmarkedet laurdag.
– Det blir bra dette, slo Bahus fast då Midtsiden møtte han laurdag formiddag.
– Eg har ikkje det nøyaktige talet enno, men det er nok over 100 utstillarar her allereie.
Antikk av alle variantar
Og ei runde på marknaden viste at det var mykje å velgja i om du er av det nostalgiske slaget, eller liker å pusse opp ting på eigenhand.
– Her finn du alt frå små leikebilar og andre leiker til motordelar og veteranbilar.
– Det du ikkje finn her er ikkje verd å ha, var det ein som meinte.
Traktor med V8-motor
Ein av dei kanskje mest spesielle køyretya som var utstilt var ein Dexta-traktor.
– Du finn ikkje mange av desse.
– Vi har montert inn ein V8-motor, fortalde ein av karane bak ombygginga.
– Kvifor i allverden har de gjort det?
– Vi hadde lyst. Du veit når du har vore gift i 30 år og kona er litt lei deg og du det same må du finna på noko anna.
– No er vi på jakt etter nokre gråtassar vi kan gjera det same med, smilte han medan nysgjerrige motorinteresserte kom bort for å ta ein titt og ein prat.