Samlar skrot, skattar og fine bilar
Laurdag er det tid for årets versjon av Ulvenmarknaden.
Bildeserie:
Os Skysslag inviterer tradisjon tru til gratis utstilling og inngang til marknad hos Os vgs i Kolskogen.
– Utstillarane melder seg ikkje på førehand, så vi veit aldri kven som kjem før dei er her.
– Men vi ventar bra inntog frå fredag ettermiddag og full messeplass frå tidleg laurdag morgon og dei ti timane marknaden varer, seier Gustav Bahus.
Under mottoet «Kom som du er, ta med det du har» kan kva som helst hamna for sal på marknaden. Alt frå antikk og handverk til syklar og bajonettar blir selte i løpet av den store torgdagen.
– Normalt har vi frå 70 til 100 utstillarar. I år har eg fått ein del telefonar frå Haugalandet, så det blir nok mange tilreisande i år òg.
Med eigen finbilparkering blir det òg ein del å sjå på.
– I tillegg til Os Skysslag og Os Amcarklubb kjem tilreisande medlemmar av blant anna Bergen Veteranvognklubb og Automobilhistorisk Forening, fortel Bahus.