Såg du denne i fjorden?
Scarabeo 8 segla torsdag, med ein osing om bord, gjennom Bjørnafjorden på veg frå Barentshavet til Ølen.
Bildeserie:
– Det var fint å koma heim på fjorden, men det gjekk faktisk greit nedover Helgelandskysten medan stormen Hilde sto på, fortel osingen Ole Christian Brekke.
– Vinden var oppe i ein fart på 100 knop og bølgjene 20 meter høge, legg han til.
Brekke er boredekksarbeidar, eller "rough-neck" om du vil, for italienske Saipem på riggen som i august i fjor starta boring for ENI Norge på Goliat-feltet i Barentshavet.
118 meter lang
Scarabeo 8 er 118,7 meter lang og 72,7 meter brei.
Torsdag kom boreriggen til Korsfjorden.
Han låg mellom Austevoll og Strøno fram til han torsdag kveld segla med ein fart på drygt 5 knop sørover gjennom Langenuen.
– Vi skal til Ølen for å skifta BOP (blowout preventer), fortel Ole Christian, som har vore med riggen frå den gjekk frå Tromsø.
Riggen sitt skrog blei bygd i Russland, delar av overbygningen i Palermo i Italia, medan Westcon i Ølen sto for ferdigstillinga, ifølgje saipem.no.