Rykte ut til svidd gummi

Melding om røykutvikling i garasjeanlegget under AMFI Os fekk både brannvesen, politi og ambulanse til å rykka ut onsdag kveld.

Vel framme viste det seg at det ikkje var snakk om brann eller branntillaup.

– Det er svidd gummi så her har det nok vore ein bilist eller fleire å leika seg, seier varabrannsjef Arne Monsen.

Brannvesenet sette på vifte for å få røyken ut av garasjen.

Politibetjent Thorvald August Bye seier politiet ikkje har spor i saka, andre enn dei som eventuelt er i kjellaren.

– Men vi er naturlegvis interessert i tips om nokon veit kven dette er eller kva bil vedkomande kjører.