Russen samla inn 175.000 kroner
Osruss 2019 - Krafttak mot kreft: Både Os Gymnas og Os vgs fekk inn meir pengar enn i fjor.
Bildeserie:
Etter eit tankjevekkande og godt avspark i førre veke, var russen frå Os på innsamlingsaksjon søndag.
– Det var fint vêr, som var kjekt for dei som gjekk, men som òg førte til at ein del var vekkreist, fortel russepresident ved Os Gymnas, Vegard Strønen Skeie.
– Det var heldivis likevel ein god gjeng som stilte opp, og dei gjorde ein kjempejobb! legg han til.
Nær rekordåret 2017
Totalt innsamla beløp blei 175.000 kroner, mot 150.000 kroner i fjor, og nær rekordåret 2017, då det blei samla inn 177.000 kroner.
– Vippsen vår (nr 451068) er framleis open, viss nokon vil løfta oss inn i eit nytt rekordår, seier Trym Hjørnevik frå Os vgs.
Uansett, russen har kome med stabilt gode og viktige bidrag år etter år.
Totalt har russen i Noreg, ifølgje krafttakmotkreft.no, til no samla inn 36,4 millionar kroner.
Mest kontant
Vipps har blitt ein praktisk og viktig betalingsmåte, men russen opplevde at folk fortsatt har fysiske pengar på lur.
Os vgs fekk inn 45.000 kroner, 32.000 av desse var kontant på bøssene.
Os Gymnas fekk inn 130.000 kroner, 87.000 av desse var cash.