Roturen er over!
Osingen Bård Alfred Monsen kom saman med Tor Wigum og Vegar Solberg i natt i mål i Nordkapp.
Bildeserie:
Onsdag 17. juni starta turen frå Lindesnes, rundt midnatt natt til onsdag 22. juli, fem veker etter at turen starta, kom Bård og kameratane fram til Nordkapp.
- Endeleg er vi i mål. Vi er lykkelege og trøytte, skriv Bård i ei tekstmelding til midtsiden.no klokka 00.46.
Les òg: Tok ei natt i Os
Dei tre roarane er om bord i ein fiskebåt som bråkar for mykje til at Bård vil snakka i telefonen.
- Siste etappe var i blikk! Den var lang, men flott. Vi blei mottekne av ein fiskar vi kjenner og er no på veg til Honningsvåg.
Både Bård, Tor, Vegar og oselvaren dei har rodd i får no kvila. Etter 2165 kilometer (cirka 1170 nautiske mil) på 34 døgn, eit snitt på 63 kilometer/34 mil per døgn, er det lov å vera sliten.
Midtsiden.no kjem tilbake med meir om turen på dagen onsdag. I mellomtida kan du lesa blogg og sjå fleire bilde på roturen.com.