Erling Holst Øyasæter, som er i Sveits for å kjempa om plass i Tokyo-OL i dobbelsculler saman med Ask Tjøm, kjempa seg eit steg vidare i går.
Dei blei nummer 3 i forsøket, der 1. og 2. plass gjekk til semifinale, men sikra seg den siste plassen i semifinalen då dei vann oppsamlinga laurdag ettermiddag.
Erling og Ask rodde inn til siger på 06:28,83 framfor båtane frå Estland, Chile, USA, Finland og Egypt.
![Erling og Ask sikra seg semifinaleplass. (Foto: Estela Reinoso Maset, Norges Skøyteforbund)](/_next/image?url=https%3A%2F%2Fcdn.sanity.io%2Fimages%2Fahcmq7tx%2Fproduction%2F7702e89fc1331ed4071cf365969ebff6b5e82865-3600x2400.jpg%3Frect%3D0%2C121%2C3600%2C2159%26w%3D752%26h%3D451%26q%3D100%26dpr%3D2&w=3840&q=75)
Dårlig vêrmelding i sveitsiske Luzern gjer at finalane er framskynda frå 17. mai til i dag.
Men først står en tøff semifinale for tur. 18 lag kjempar om to plassar i OL i Tokyo seinare i sommar, og Erling Hols Øyasæter er Os Roklubb sin første reelle kandidat til leikane sidan Bård Alfred Monsen i 2004.
Semifinalane går søndag morgon.
Oppdatert: Stang ut!
Øyasæter og Tjøm hamna på 4. plass av 6 båtar i den eine av to semifinaleheat.
Dei tre beste frå kvar semifinale gjekk vidare til finale.
![](/_next/image?url=https%3A%2F%2Fcdn.sanity.io%2Fimages%2Fahcmq7tx%2Fproduction%2F11e6da5aa22483281d99a4699da770137437051f-1238x816.jpg%3Frect%3D0%2C37%2C1238%2C742%26w%3D752%26h%3D451%26q%3D100%26dpr%3D2&w=3840&q=75)
På damesida har Noreg stilt med singel, dobbel og dobbeltfirar, der dobbeltfirar har kome seg vidare.
![Damene i dobbeltfirar er vidare. (Foto: Estela Reinoso Maset, Norges Skøyteforbund)](/_next/image?url=https%3A%2F%2Fcdn.sanity.io%2Fimages%2Fahcmq7tx%2Fproduction%2Ff0e2e1a2a938b34151a75848ebc43963176073f8-3600x2400.jpg%3Frect%3D0%2C121%2C3600%2C2159%26w%3D752%26h%3D451%26q%3D100%26dpr%3D2&w=3840&q=75)