Røde Kors-besøk frå Kypros
Os lærde om psokososialt arbeid mens tryggleiksalarm var heilt nytt for kypriotane.
Måndag denne veka fekk Os Røde Kors besøk av representantar frå Kypros Røde Kors. Besøket var eit ledd i ein ny 6-årsavtale mellom Hordaland Røde Kors og Kypros Røde Kors.
– Her fekk dei presentert presentert beredskapsavtalen vi har med Os kommune og dei ulike aktivitetane som Os Røde Kors har: Hjelpekorps, Besøkstjeneste, Beredskapsvakter, Barnas Røde Kors og Åpne Grenser, fortel leiar, Nina Solvår Sælen.
Representantar frå Internasjonalt Utvalg og Distriktskontoret i Hordaland Røde Kors deltok òg.
Lærde av kvarande
Sælen fortel om spennande og nyttig erfaringsutveksling.
Kypros er blant anna gode på psykososialt arbeid, drift av migrasjonssentre og av institusjonar for funksjonshemma barn.
– Dei var særleg interesserte i korleis Os driv innvandrernettverket «Åpne Grenser», og bruk av tryggleiksalarmar var eit tilbod dei ikkje kjente til frå før, som dei ville sjå nærmare på som ein aktivitet i samarbeidsprosjektet.
– Førstehjelpsopplæring, utdanning av instruktørar og etablering av Hjelpekorps var òg tema.
– Besøket blei avslutta med ein hyggeleg middag i på ER-AN Veikro sin buss. Reinsdyrkarbonadar er ikkje kvardagskost på Kypros, seier Nina.