Rivalar neste år òg?

Det blei fullsette tribunar både på Kuventræ og i Lysefjorden då det i år var derby mellom Os og Lysekloster i 3. divisjon.

I dag blei oppsettet for 3. divisjon publisert, og det er no klart at begge laga frå Os kommune hamnar i same pulje også neste år!

Sjå heile oppsettet på fotball.no.

2013 starta med at Os vann 3-0 (sjå video) over Lysekloster heime, og leia 0-2, men spelte 2-2 borte (sjå video).

Lysekloster gjorde det samla sett langt betre enn Os, nykomaren i divisjonen tok 52 poeng og hamna på 2.plass, 2 poeng bak Stord.

Os tok 38 poeng og landa på 7. plass, a poeng med Kopervik, 2 poeng bak Haugesund 2 på 5. plass.

Sjå tabell for 2013.

Terminlista er førebels ikkje klar, så det er uvisst om vi får ein like spennande start på serien som i 2013.

Heile avdelinga ser du i høgre marg.