Revejakt gav politijakt

Torsdag kveld fekk politiet melding om ein mann med våpen på Lepsøy.

– Han var kledd i vanlege klær med dongeribukse og jakke.

– Då vi kom ut der og fekk kontakt med han, viste det seg at han var på revejakt.

– Klokka var då 22.39, litt i seinaste laget for å drive den type jakt, seier lensmann Oddbjørn Dyrdal.

Vanskeleg å vite

Lensmannen har full forståing for at dei som meldte frå trudde det var noko anna enn jakt som pågjekk.

– Slik vedkommande var kledd, kan det vera vanskeleg å forstå at han var ute på jakt.

– Saka løyste seg veldig greitt. Mannen var forståelsesfull og avslutta jakta etter at vi hadde prata med han.