Klokka 15.00 i dag stengte lokala for førehandsrøysting i Fusa og Os til valet for komande Bjørnafjorden kommune.
– Vi har hatt godt besøk heilt siden vi starta med tidlegstemming 1. juli, men det har toppa seg no mot slutten. I dag har det vore 481 innom kommunetorget på Osøyro og 69 på kommunetunet i Eikelandsosen, fortel Andris Hamre i valsekretariatet i Bjørnafjorden kommune.
4.778 har førehandsstemt, 3.775 av desse i Os, 639 i Fusa og 364 i andre kommunar eller i utlandet.
- Meir enn kvar fjerde bjørnafjording har nytta stemmeretten sin i løpet av perioden.
25,54 prosent har stemt på førehand. Det er ny rekord.
Tilsvarande tal frå 2015 er 17 prosent.
– For oss som arbeider med dette er det jo stas at vi passerer den magiske grensa på 25 prosent. No blir det spennande å sjå om dette gjer at vi får ei tilsvarande høgare valdeltaking totalt sett, eller om det berre er det at innbyggarane har røysta tidleg.
På valdagen 9. september er det 12 vallokaler i Bjørnafjorden kommune, seks av dei i Os og seks av ei i Fusa.
– Det er verdt å merka seg at på valdagen kan du røysta i kva vallokale du ønskjer, men berre til eigen kommune, og hugs legitimasjon. Bur du til dømes i Bergen, så må du reisa til eit vallokale i Bergen, avsluttar Hamre.
Alle vallokala i Bjørnafjorden kommune har ope til kl 21.00 på valdagen. I Eikelandsosen og på Os-sida av fjorden opnar dei klokka 09.00. I Fusa, Hålandsdalen, Nore Fusa, Strandvik og Søre Fusa opnar vallokala klokka 13.00.