Redda kajakk-padlar

Klokka 1450 fekk politiet melding om at to personar i kvar sin kajakk hadde hatt eit uhell.

– Det var meldt om to personar i kvar sin kajakk om lag 500 meter frå land. Ein har ramla i sjøen og held seg fast i kajakken, laud meldinga frå Vest politidistrikt på Twitter.

Kystvaktbåten «Tor» var i nærleiken og sendte lettbåt til staden. To fritidsbåtar skal på førehand ha redda padlarane og tatt hand om kajakkane.

– Dei kom raskt fram til dei to personane. Jenta i sjøen blei tatt opp i båten.

– Den andre padla sjølv til land. Alt ok med personane, meldte politiet.

I følgje ein midtsiden-lesar og hovudredningssentralen var det ikkje kystvakta som redda jenta opp av sjøen, men fritidsbåtar som bisto i redninga.

– Padlarane trygt i land takka vere merksame observatører på land, som også bisto under aksjonen, meldte Hovudredningssentralen.

God utstyrt

Det blei opplyst å vera noko grov sjø i området. Uhellet skal ha skjedd i Strøneosen.

Vel i land på Lepsøy blei dei to, ein gut (17) og ei jente (15) sjekka av ambulansepersonell.

– Ikkje behov for vidare undersøking. Foreldra blir orientert. Ungdommane var godt utstyrt og kledd for å vera på sjøen. Fortrinnsvis noko øving med kajakk. Vær og vind gjorde dette noko vanskeleg og var også årsaken til at jenta velta ut av kajakken, opplyser politiet.