Red Lady?

På veg ut i eit anna oppdrag oppdaga denne journalisten plutselig ei raud dame som sto så lett lent mot steinane i moloen ved den nye industrihamna i Os sentrum.

Var det ein gallionsfigur som hadde ramla av ein båt eller var det nokre som hadde plassert ho der med vilje?

Ein telefon til kunstnarmiljøet i Os avslørar, om enn løydomsfullt.

- Det er ein litt løyndomsfull kunstnar som kaller seg Vaag.

- Statua heiter Cadmium Red Venus ifølgje det eg veit, men du må ikkje seie at du har fått det frå oss.

Vaag skal ifølgje informanten lika å uttrykka seg i raudt. Om det kjem fleire verk frå den handa andre plassar i bygda står det att å sjå.