Ravi lagde fest med norenesingane
Ungdomsskuleelevar fylte i dag Oseana i to omgangar for å oppleva Ravi ta salen med på notane.
Bildeserie:
Ravi har tre konsertar i Os på plakaten i dag. Først kom elevar frå Nore Neset ungdomsskule og Os ungdomsskule, i kveld skal han spela full konsert akkompagnert av dansegruppa Tag the Floors.
Ungdomar med fartstid i Tag the Floors, Daniel Fagerlid Andreasson, Vårin Halhjem og Maren Ognøy, dansa også på formiddagskonsertane.
Men dei var ikkje dei einaste det var liv i, Ravi var flink til å få med seg elevane på både song og dans, og to av dei fekk ei gåve for at dei var så livleg som publikum.
Fekk undervising i forkant
Dagens konsertar for ungdomane var del av Oseana og Rikskonsertene sitt Friskus-prosjekt. Om ikkje elevane hadde fått instruksjon i å dansa på stolseta, slik Ravi fekk dei til å gjera, så var dei på førehand godt kjent med sjangeren.
– Vi har hatt om rap og hiphop som sjanger og fortalt om både historia og om Ravi, fortel pedagog Mari Persen.
– Elevane har fått bruka Music Delta, der dei har logga seg på, sett videoar og lest.
Øvst ser du video frå konserten Ravi hadde med norenesingane som publikum (og deltakarar).