Rause gåver styrka av regjeringa

Bildeserie:

Full skjerm

1 av 2

Frå idé og initiativ til finansiering; Per Grieg senior og Grieg Foundation har vore avgjerande for Oseana Kunst- og Kultursenter.

• Les òg: Hamstrar kunst (intervju med Grieg i april 2009)

Etter opninga 17. juni 2011 har han halde fram med å støtta drifta, ikkje minst den delen som var utgangspunkt for kulturhuset, kunstutstillinga Griegsamlingen.

– Vi har fleire støttespelarar blant firma og privatpersonar, men Per Grieg er i ein klasse for seg sjølv! seier Oseana-direktør Ole Tobias Lindeberg.

– At han i fire år, og for dei neste tre åra, har sponsa kurator-stillinga har gjeve Griegsamlingen og kunstformidlinga vår eit formidabelt løft! Både dei to første åra med Marianne Gathe, og frå 2016 med Evelyn Holm, har aktiviteten og kvaliteten i programmet auka veldig. Kunstfagleg kompetanse er avgjerande, seier Lindeberg.

Oseana forsterkar kunststaben frå 0,8 til 1,5 stilling. Grieg, Alutec og andre sponsorar er med på laget, og pengegåvene Oseana mottar blir for tredje år forsterka av Staten.

Hugsar du denne? Timelaps og opningsfilm vist på festen i 2011:
(Artikkelen held fram under videoen)

Ei ordning som styrkar lysta til å gi

Torsdag var Silje Hjemdal (Frp) frå Stortingets Familie- og kulturkomite i Os for å delta i eit møte om Hordfast. Møtet var i Oseana, og Hjemdal hadde samtidig med seg godt nytt.

– Takka vera Gaveforsterkningsordningen til kunst og kultur, får Oseana Kunst og Kultursenter ei solid gåveforsterking, seier Hjemdal.

Oseana fekk for tredje gong på rad summen dei har søkt om. Denne gong er det snakk om 712.500 kroner.

Gaveforsterkningsordningen er drahjelp frå staten og er et incitament til kunst- og kulturinstitusjonar til å skaffa privat finansiering til eigne prosjekt.

– Det er gledeleg å sjå at ordninga fungerer, og at det kjem meir pengar til kulturlivet. Vi i Frp synest det er flott at privatpersonar, næringsliv og stiftingar ser kva verdi kunst og kultur har i samfunnet, og at dei ser verdien av å engasjera seg finansielt.

Om gaveforsterkningsordningen
«Gaveforsterkningsordningen ble etablert i 2014 og er et insentiv for kunst- og kulturinstitusjoner til å skaffe privat finansiering. Ordningen innebærer at private pengegaver blir forsterket med et statlig tilskudd på inntil 25 prosent av gavebeløpet. Gaveforsterkningsordningen er en ren stimuleringsordning og det er ikke knyttet noen fordelingskriterier til ordningen.»

Blant andre mottakarar i Hordaland finn vi:
• Hardanger Musikkfest 306.088 kr
• Stiftelsen Statsraad Lehmkuhl 1 197 354 kroner i gaveforsterkning etter gaver på 4.789.417 kroner fra Grieg Foundation, Stiftelsen Neptun, Stiftelsen UNI og Statsraads Lehmkuhls venner. Formålet er vedlikehold av seilskipet.
• Bergen internasjonale filmfestival AS (BIFF) får 137 500 kroner i gaveforsterkning etter gave på 550.000 kroner fra Sparebanken Vest. Formålet er skoleturné i fylket, Samsrbeidsprosjekter med VillVillVest, Skolefilm festivalen 2018/2019,
• Hordaland Teater får 250 000 kroner i gaveforsterkning
• Akvariet i Bergen får 100 000 kroner i gaveforsterkning