Prøvde seg på gamlevegen til Drange
Ein buss køyrde seg fast på ein veg som ikkje har vore i bruk på fleire tiår.
Bildeserie:
Tysdag morgon fekk forbipasserande på Ole Bulls eit overraskande syn.
I det som for 20-30 år sidan var krysset mellom Ole Bulls veg og Drangsvegen sto ein buss som tydelegvis hadde køyrd seg fast.
– Det var ingen passasjerar om bord då uhellet skjedde, seier regionsjef Rune Mannseth i Tide til Midtsiden.
Bussen skulle gått frå Drange klokka 05.27.
– Vi hadde dessverre ingen erstatningsbuss å setja inn. Samtidig er dette ei rute som normalt har få eller ingen reisande. Vi har førebels ikkje mottatt klager frå passasjerar som venta på denne bussen, men det kan jo koma seinare.
Bergingsbil er på veg til området.
– Kva forklarer sjåføren om episoden?
– Vedkomande har køyrd til Drange før, men er relativ uerfaren, og tok tydelegvis feil veg i morgontimane i dag. Det er synd når det skjer, og når ein buss blir ståande fast. Heldigvis var det få eller ingen som blei ramma, og vi fekk eit eksempel å læra av.