I 18.30-tida torsdag ettermiddag reagerte private bilstar på veg over Ulvensletta på køyringa til ein utenlandsk registrert bil.
- Bilen vingla fram og tilbake, dels midt i vegen, dels over i feil køyrebane, fortel politioverbetjent Terje Sperrevik.
- Private varsla oss og fekk stoppa bilen. Dei tok òg nøklane frå føraren medan dei venta på oss.
Politiet var på det aktuelle tidspunktet ute på anna oppdrag, men kom til staden så fort som råd.
Vandra mot Lysefjorden
Føraren av bilen, ein mann av utenlandsk opphav, hadde då politiet kom til staden begynt å gå i retning Lysefjorden.
- Han hadde oppført seg dårleg mot dei som hadde stoppa han og stukke frå staden.
- Vi greip han langs Lysefjordvegen og tok han med oss, fortel Sperrevik.
Bråkate bileigar
Også bileigaren, som var passasjer i den vinglate bilen, laga bråk då politiet kom.
- Han oppførte seg ubehageleg mot patrulja og nekta mellomanna å oppgje personalia.
Til tross for litt språkproblem fekk politiet namn og adresse på mannen til slutt.
- Han vil bli meldt for oppførselen og det å ikkje gje frå seg personalia, avsluttar Sperrevik.